БМТ салбий прогнозни эълон қилди
Етти йилдан сўнг дунёда қашшоқлар сони кескин ортади ва буни тўхтатиш имконсиз бўлиши мумкин.
БМТ ҳисоб-китобларига кўра, 2030 йилда ер юзида 575 миллион киши ўта қашшоқлик даражасига тушиб қолади ва 84 миллион бола мактабда таълим олишдан маҳрум бўлади.
Мутахассисларнинг таъкидлашича, Россия бошлаган уруш одамларнинг қашшоқлашувига олиб келмоқда, бундан ташқари, дунё ҳали пандемия оқибатларидан халос бўлмаган.
Қайд этилишича, БМТнинг 2015 йилда инсоният ҳаётини яхшилашга қаратилган кенг кўламли контекстида белгиланган 140 та аниқ мақсаднинг атиги 15 фоизига ўн йиллик якунига қадар эришилади.
«Мақсадларнинг деярли ярми режадан ортда қолмоқда ва уларнинг 30 фоизи ё умуман ҳаракат қилмаяпти ёки орқага кетмоқда, жумладан, қашшоқлик, очлик ва иқлим ўзгаришига қарши кураш», - дея таъкидлайди БМТ экспертлари.
Ташкилот очарчиликка барҳам бериш, ҳеч бўлмаганда барча болалар учун сифатли бошланғич таълим, қашшоқликни бартараф этиш, гендер тенглигига эришиш, барча одамларни тоза сув билан таъминлаш, арзон энергиядан фойдаланиш, иқлим ўзгаришига қарши курашиш каби глобал мақсадларга эришиш қийинлашиб бораётганини таъкидлади.
«Тенгсизлик кенгайишда давом этади, бу парчаланган, икки тезликли дунё хавфини оширади», — дейилади ҳисоботда.
