Бразилиялик ҳужумчи "Реал"дан кетди
Футболчи мадридликлар сафига тўрт йил аввал қўшилганди.
"Реал" клубининг расмий сайти трансфер ойнаси якунланиши арафасида ҳужумкор футболчи Рейнер бошқа жамоага ўтганини эълон қилди.
Хабарда таъкидланишича, 22 ёшли истеъдод эгаси Испания Сегундасида иштирок этаётган "Гранада" жамоасига ижарага бериб юборилган.
2020 йилнинг январида Мадрид клуби Рейнерни "Фламенго"дан 30 миллион еврога трансфер қилганди. Бироқ, бу харид ўзини оқламади. Мадридликларнинг асосий таркибига кира олмаган ўйинчи ҳозирга қадар “Боруссия Дортмунд”, "Жирона", "Фрозиноне" каби клубларда ижарада ўйнади.
