Бугундан “Музейлар ҳафталиги”га старт берилди
Маданий мерос агентлиги кириш бепул бўлган музейлар рўйхатини эълон қилди.
Бугундан эътиборан “Музейлар ҳафталиги” тадбири бошланади, дея хабар бермоқда Маданий мерос агентлиги матбуот хизмати.
Маълум қилинишича, қуйидаги музейларга 7 кун давомида бепул кириш мумкин:
—Ўзбекистон давлат санъат музейи;
—Абдулла Қодирий уй-музейи;
—Юнус Ражабий уй-музейи;
—Ўрол Тансиқбоев уй-музейи;
—Тамарахоним уй-музейи;
—Сергей Есенин уй-музейи.
“Ҳамюртларимиз бир ҳафта давомида музейларга ташриф буюриб, миллий музей фондига киритилган ашёлар ва коллекциялар билан танишиб олишлари мумкин”, — дейилади хабарда.
Эслатиб ўтамиз, Вазирлар Маҳкамасининг 2010 йил 12 апрелдаги қарорининг 8-иловаси низомига кўра, “Музейлар ҳафталиги” тадбири ҳар йили 2—8 сентябрь кунлари ўтказилиши белгилаб қўйилган. Шунингдек, ҳар ойнинг биринчи якшанбасида ҳам музейларда “очиқ эшиклар куни” ўтказилади.
