Фарғонада бедарак йўқолган фуқаро қидирилмоқда
Аниқланишича, М.М ов қуроли билан “Damas” автомашинасида чиқиб кетган.
Қайд этилишича, Фарғона вилояти ИИБ Қўштепа тумани “Янгиариқ” МФЙ, Баҳор кўчасида яшовчи 1985 йилда туғилган, М.М. 2021 йил 28 ноябрь куни эрталаб соат 6:30 ларда Ёзёвон тумани “Янгиобод” МФЙдаги сув омборига овга кетган.
Шундан сўнг мазкур фуқаро уйга қайтиб келмагани ҳақида мурожаат келиб тушган
Йўқолган фуқаро уйига қайтмагач, оила аъзолари Ёзёвон туманидаги Сув омборига боришган. У ердан “Damas” автомашинасини қулфланган ҳолатда ва сумкаларини сув ичидан топишган.
Ҳозирда туман ИИБ, Миллий Гвардия, ФВВ қутқарув гуруҳлари томонидан қидирув ишлари олиб борилмоқда.
Эслатиб ўтамиз, аввалроқ Наманган вилоятининг Косонсой туманидаги сел оқизиб кетган 7 ёшли Муҳаммадюсуф Рустамов қидирилаётгани ҳақида хабар берилганди.
Чўлпонй Аҳмедова
