Фарғонада ҳажга юбориш учун 20 минг доллар сўраган шахс ушланди
У 10 минг АҚШ долларини олган вақтида ашёвий далиллар билан ушланган.
Давлат хавфсизлик хизмати ва Бош прокуратура ҳузуридаги Департамент ходимлари ҳамкорлигида ўтказилган тезкор тадбирда, Фарғона шаҳрида фаолият юритувчи туристик фирма ходими – Марғилон шаҳрида яшовчи, 1987 йилда туғилган фуқаро ва унинг ўғлини 20 минг АҚШ доллари эвазига Саудия Арабистонига ҳаж зиёратига юборишни ваъда қилиб, талаб қилинган суммадан 10 минг АҚШ долларини олган вақтида ашёвий далиллар билан ушланди.
Тезкор суриштирув ҳаракатлари давомида, у ушбу пул маблағини туристик фирма раҳбарининг кўрсатмаси асосида олганлиги маълум бўлди. Ҳозирда ҳолат юзасидан мазкур шахсларга нисбатан Жиноят кодексининг 168-моддаси билан жиноят иши қўзғатилиб, тергов ҳаракатлари олиб борилмоқда.
