Ғазога денгиз орқали гуманитар ёрдам юборилди
Жами 200 тоннага яқин озиқ-овқат топширилган.
Кипрдаги портдан гуманитар ёрдам олиб кетаётган кема Ғазо қирғоқларига етиб борди.
Кеча, 15 март куни кечқурун анклавга 200 тоннага яқин озиқ-овқат маҳсулотлари солинган контейнерлар туширилган.
Денгиз миссияси АҚШнинг World Central Kitchen хайрия ташкилоти томонидан ташкил этилган бўлиб, Бирлашган Араб Амирликлари асосий молиявий донор ҳисобланади, Испания хайрия ташкилоти эса бунинг учун кема тақдим этган.
Озиқ-овқат маҳсулотлари ҳам қуруқлик ва ҳаво орқали етказиб берилмоқда, бироқ ҳозирги ёрдам миқдори мавжуд эҳтиёжларини қондириш учун етарли эмас. БМТ маълумотларига кўра, Ғазо сектори аҳолиси очликдан азоб чекмоқда.
Ҳозирда Wоrld Central Kitchen хайрия ташкилоти Ғазога ёрдамнинг иккинчи партиясини тайёрламоқда.
