“Газпром” Молдовага газ етказиб беришни тўхтатади
Маълум бўлишича, шартнома шартлари жиддий бузилган.
“Газпром”нинг маълум қилишича, “Молдовагаз” амалдаги шартнома бўйича ўз тўлов мажбуриятларини мунтазам равишда бажармаяпти, бу эса шартнома шартларини жиддий бузилиши ҳисобланади.
Газ етказиб беришни тўхтатиш 1 январ куни эрталаб соат 8:00 дан кучга киради ва “Газпром” қарздорлик ҳал этилганини “Молдовагаз”га маълум қилмагунча давом этади.
2021 йил кузида “Газпром” ва “Молдовагаз” ўртасида газ етказиб бериш бўйича беш йиллик шартнома имзоланган. Молдова расмийлари шартномада биржа нархларига асосланган формула мавжудлиги, бу эса газ нархининг вақт ўтиши билан ўзгаришига олиб келишини билдирган. Кишинёв аудит ўтказиш ва уни натижаси асосида қарзларни тўлаш мажбуриятини олган. “Газпром” қарзни 709 миллион доллар миқдорида баҳолаган. Ноябр охирида Молдова бош вазири Игор Речан қарзни “мавжуд эмас“ деб атаб, Молдова уни тўлаш ниятида эмаслигини билдирган.
