Германия БМТ хавфсизлик кенгашининг доимий аъзоси бўлиши керак. Бу ҳақда канцлер Олаф Шольц ташкилот Бош ассамблеясидаги чиқишида маълум қилди.
"Германия ўзига катта мажбурият олишга тайёр — аввалига 2027 ва 2028 йилларда 10 та ўзгарадиган аъзо бўлиш, кейинчалик доимий аъзога айланиш мумкин.
Мен сиздан БМТ принципларини ҳурмат қиладиган, ҳамкорликка интиладиган ва таклиф қиладиган давлат сифатида бизнинг номзодимизни қўллаб-қувватлашни сўрайман", — деган канцлер.
Шу билан бирга у Хавфсизлик кенгашини ислоҳ қилишни, унинг фаолиятини XXI аср чақириқларига мослаштиришни таклиф қилган. Шольцнинг фикрича, кенгаш бундан 30, 50 ва 70 йил олдинги даврга мос келади. У Осиё, Африка ва Жанубий Америка минтақасидаги давлатларнинг дунё саҳнасида янада кўпроқ мавқега эга бўлиши лозимлигини таъкидлаган.
Маълумот ўрнида: БМТ Хавфсизлик кенгаши ташкилотнинг энг асосий органларидан бири. Унга беш давлат: АҚШ, Буюк Британия, Франция, Россия ва Хитой доимий аъзо ҳисобланади. Қолган аъзолар ҳар икки йилда алмашиб туради. Доимий аъзо давлатлар вето ҳуқуқига эга, бу уларнинг исталган қарор ёки резолюцияни тўхтатиб қўйиш имконини беради.