Германияда гиёҳвандлик сабаб ҳар куни 6 киши вафот этмоқда
30 ёшгача бўлганлар орасида гиёҳвандлик туфайли ўлим 14 фоизга ошган.
Германия ҳукумати гиёҳвандлик ва унга қарши кураш бўйича вакили Ҳендрик Стрек мамлакатдаги наркотиклар бозорида хавотирли тенденциялар кузатилаётганини маълум қилди.
Унинг сўзларига кўра, бозорда героиндан 500 баравар кучлироқ синтетик опиоидлар — нитаценлар тобора кўпроқ учрамоқда. “Қалам учи катталигидаги доза инсон ҳаётини олиб қўйиши мумкин”, — деди Стрек bild.de’га берган изоҳида.
Статистикага кўра, 2023 йилда Германияда гиёҳванд моддалар билан боғлиқ ўлимлар бўйича иккинчи энг юқори кўрсаткич қайд этилган — кунига ўртача 6 киши вафот этмоқда. Шунингдек, 30 ёшгача бўлганлар орасида ўлим даражаси 14 фоизга ошгани алоҳида ташвиш уйғотмоқда.
Мутаҳассислар “ёрилиш” деб аталадиган моддалар бир марталик истеъмолда ҳам кучли қарамлик келтириб чиқаришини қайд этмоқда. Бундан ташқари, наркотик воситалар тобора кўпроқ Интернет орқали сотилаётгани ва бевосита уй манзилларига етказиб берилаётгани кузатилмоқда.
Комиссарнинг фикрича, Германия нафақат синтетик опиоидлар, балки креκ ва кокаин истеъмолининг ҳам кескин ўсишига гувоҳ бўлмоқда. “Бозор жуда тез ўзгариб бормоқда. Агар ҳозир чора кўрилмаса, вазият янада хавфли тус олади”, — дея огоҳлантирди Стрек.
