Инсониятга яна бир ҳалокатли эпидемия таҳдид солмоқда — ЖССТ
Хавфли вируснинг ўлим даражаси 90 фоиз.
Жаҳон соғлиқни сақлаш ташкилотининг маълум қилишича, Марбург иситмаси вируси Африканинг Руанда давлатида аллақачон кенг тарқалиб кетган. Ўлим даражаси 90 фоиз бўлган ушбу вирусга қарши, ҳозирча, вакцина йўқ. Унинг аломатлари сирасига иситма, томоқ оғриғи, тошма, диарея, кўнгил айниши, қусиш, бурун ва кўзлардан қон кетиши кабилар киради.
Марбург иситмаси ақл бовар қилмас тезликда тарқалмоқда. Германия полицияси икки йўловчида Марбург вируси аломатлари кузатилганлиги сабабли Гамбург марказий вокзалини бир неча соатга ёпди. Дастлабки маълумотларга кўра, улардан бири яқинда Руандадан учиб келган ва катта эҳтимоллик билан вирусни ўша ерда юқтирган.
