Бугун, 19 август куни Тошкент шаҳрининг Олмазор туманида жойлашган Ислом цивилизацияси марказида ёнғин юз берди. Бу ҳақида шаҳар Фавқулодда вазиятлар бошқармаси хабар берди.
Қайд этилишича, соат 11:11 да Олмазор тумани Зарқайнар кўчасида жойлашган Ислом цивилизацияси маркази биносининг том қисмида изоляция қопламаларини ётқазиш ишлари олиб борилишида технологик жараённи бузилиши оқибатида ёнғин келиб чиққан.
Ёнғин соат 11:32 да ўраб олиниб, соат 11:34 да ўчирилган. Ёнғин натижасида 19 кв.М бинони том қисмидаги майдонда изоляция маҳсулоти ёниб зарарланган.
“Ёнғин оқибатида фуқаролар жабр кўрмаган ва бинонинг ички қисми шикастланмаган. Бинода нодир экспонатлар сақланмаган”, дейилади хабарда.