Жалолобод шаҳрида яна бир портлаш содир бўлди
Aфғонистоннинг Нангархор вилояти Жалолобод шаҳрида содир бўлган портлаш оқибатида икки киши ҳалок бўлди, олти киши жароҳатланди, дея хабар берган маҳаллий манбаларга таяниб “РИA Новости”.
Хабарга кўра, “Толибон”га тегишли машинада бомба портлаган. Жабрланганлар, шу жумладан, ҳаракат жангарилари касалхонага юборилган. Ҳодисанинг қолган тафcилотлари ҳали очиқланмаган.
Эслатиб ўтамиз, 18 сентябрь куни Нангархор вилоятининг Жалолобод шаҳридаги портлашда уч киши ҳалок бўлиб, 19 киши жароҳатланганди. Эртаси куни яна шу шаҳарда — автовокзал ҳудудида портлаш содир бўлган, икки тинч фуқаро вафот этган, “Толибон” тарафдорларидан бири яраланганди.
“Aл-Aрабия” телеканалининг хабар беришича, портлашлар учун жавобгарликни “Исломий давлат” террорчилик гуруҳи ўз зиммасига олган. Ундан сўнг “Толибон” Жалолобод чеккасида террорчилардан тозалаш операциясини ўтказгани ҳақида хабар берилганди. 22 сентябрь куни Жалолободда яна бир нечта портлаш ва қуролли ҳужум содир бўлиши оқибатида беш киши (икки нафари “Толибон” тарафдори) ҳалок бўлди.
Насиба Тўхтаева
