Жиззахда Cobalt ёниб кетди
ЙҲХБ ҳодиса сабабини маълум қилди.
Бугун, 15 июнь куни Жиззах вилоятининг Шароф Рашидов туманида Cobalt ёниб кетди.
Маълум бўлишича, навоийлик ҳайдовчи бошқарувидаги Cobalt русумли автомашинада электр симларининг қисқа туташуви натижасида ёнғин содир бўлиб, мотор ва салон қисми ёнган.
Ёнғин ФВБ томонидан бартараф этилган. Ёнғин сабаби ва келтирилган моддий зарар миқдори аниқланмоқда. Ёнғин натижасида тан жароҳати олганлар йўқ. Терговга қадар текширувни туман ФВБ олиб бормоқда.
