&nbsp;

Ер ости қояларга ўйилган шаҳарлар, ҳайратланарли манзараларни ўз ичига олган Кападокия ташрифи ёқимли иссиқ ҳавоси билан шарларида кезишни, қояли ландшафтлар бўйлаб отда сайр қилишни, мафтункор ғор меҳмонхоналарини ва ғаройиб кафелардан баҳраманд бўлишни таклиф қилади.

&nbsp;

Кападокия табиий ва тарихий мўжизаларнинг унутилмас уйғунлиги бўлиб, асрлар давомида саёҳатчиларни ўзига жалб қилади. Ҳозирда ҳаракатсиз вулқонлар томонидан отилиб чиққан лава ва кулнинг эрозияси натижасида ҳосил бўлган минтақанинг топографияси &quot;пари мўрилари&quot; деб номланган ғайриоддий конуссимон тузилмалар ва қоялардан ўйилган кўп асрлик ер ости шаҳарлари билан ташриф буюрувчиларни ҳайратда қолдиради. Кападокия антик даврда зотдор отларни кўпайтириш билан шуҳрат қозонган ва юзлаб йиллар давомида &quot;Гўзал отлар мамлакати&quot; сифатида танилган.

&nbsp;

Кападокия 2022 йилнинг биринчи чорагида жуда кўп зиёратчиларни қабул қилди. Йилнинг биринчи уч ойида минтақадаги музейлар ва археологик обидаларни 2021-йилнинг биринчи чорагига нисбатан 54 фоизга кўпайиб, 305.275 киши томонидан зиёрат қилинди.

&nbsp;

&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Кападокияни осмондан кўринг

&nbsp;

Кападокиянинг сеҳрли ландшафтини кўришнинг энг яхши усули бу унинг беқиёс осмонида, ҳаво шарида сайр қилишдир. Рангли шарлар эрталаб соат бешларда, одатда, Гўреме қишлоғидан учади ва ташриф буюрувчилар Кабутарлар, Земи, Севги ва Пасабағ водийси ва бошқа сеҳрли қояларнинг мафтункор манзараларидан баҳраманд бўлишлари мумкин.

&nbsp;

Ҳақиқий Кападокия саёҳати ҳаяжонини истаётган меҳмонлар учун ҳудуддаги ғор меҳмонхоналари энг зўр турар жой ҳисобланади. Ғор меҳмонхоналаридаги тош ўйилган хоналар тарих ва замонавий қулайликларни ҳашаматли уйғунликда бирлаштиради. Кун давомида диққатга сазовор жойларни томоша қилгандан сўнг, оқшомни ўтказишнинг энг яхши усули - ғор меҳмонхонасининг залида бир финжон қаҳва ичишдир.

&nbsp;

&nbsp;Гўремедан Ургупгача отда сайр

&nbsp;

&quot;Гўзал отлар мамлакати&quot; сифатида Кападокияда от миниш мақсадга мувофиқдир. Ҳудуддаги ранчолар чиройли, ишончли пониларда от миниш саёҳатларини таклиф қилади. Қизил водийда отга миниб, қуёш ботишини томоша қилиш &ndash; унутилмас ҳиссиётлар уйғотади. Иҳлара водийсида, Мелендиз оқими бўйлаб айвонлар бор, у ерда саёҳатчилар чой ёки қаҳва ичишлари мумкин. Жип сафарлари ҳам мавжуд ва ҳудуднинг баъзи жомелари ва водийларига йўлтанламас транспорт воситалари орқали бориш мумкин.

&nbsp;

1985 йилда ЮНEСКОнинг Бутунжаҳон мероси рўйхатига киритилган ажойиб Гўреме очиқ осмон остидаги музей - бу фреска билан безатилган, тошга ўйилган черковлар мажмуаси бўлиб, унда минтақанинг қадимги аҳолиси, жумладан, оссурияликлар, хеттлар, фригияликлар, эллинлар, римликлар, византияликлар, қадимги даврларнинг излари мавжуд. Гореме очиқ осмон остидаги музейдаги Киличлар, Каранлик ва Токали черковлари Рим даврида Аванос аҳолиси томонидан некропол сифатида фойдаланилгани тахмин қилинади. Ургупдаги &ldquo;Уч гўзал&rdquo; мўркони шаклланиши минтақанинг энг кўп суратга олинган жойларидан бири бўлса, Мустафопашадаги ХVIII асрга оид Авлиё Константин ва Елена черкови Ўртаҳисар қишлоғида Султон Аҳмет I Ўртаҳисар қалъаси даврида қурилган, қояга ўйилган ажойиб қалъадир.

&nbsp;&nbsp; &nbsp;

&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Мафтункор ер ости шаҳарлари

&nbsp;

Сирли ўлка, Кападокия асрлар давомида, бир вақтлар ер остида ҳам яшаб келган. Баъзи тадқиқотларга кўра, бутунлай қоядан ўйилган ғайриоддий кўп даражали ер ости шаҳарлари милоддан аввалги VII-VIII асрларга тўғри келади. Ҳудуд аҳолисини босқинчилардан ҳимоя қилиш учун яратилган Каймакли, Деринкую, Ўзконак, Мази ва Татларин каби ўнлаб ер ости яшаш жойлари бўйлаб саёҳат&nbsp; ўша давр аҳолисининг кундалик ҳаётига назар ташлашга яхшигина дебоча бўлади. Ушбу ноёб ер ости турар-жойлари йўллари бўйлаб юриш &ndash; унутилмас завқ.

&nbsp;

&nbsp;&nbsp;&nbsp;&nbsp;&nbsp;&nbsp;&nbsp;&nbsp; Ғаройиб лаззатлар

&nbsp;

Туркиянинг бошқа ҳар бир минтақаси ошхоналари каби Кападокия ошхонаси ҳам ҳудуднинг маданий мероси ҳамда янги маҳаллий ва мавсумий маҳсулотлар мавжудлиги билан ажралиб туради. Кападокияга ташриф буюрувчилар кунни анъанавий турк нонуштаси билан бошлашади. Гўзал манзараси билан бирга, ушбу мазали нонуштада маҳаллий пишлоқлар, янги тухум, помидор, бодринг ва яшил қалампир, шунингдек, зайтун, мураббо, асал, сариёғ ва қаймоқ тақдим этилади. Уйда тайёрланган колбаса, қандолат маҳсулотлари ва мазали тухумли таом, менемен каби лаззатли таомлар хушбўй турк чойи билан уйғунлашади.

&nbsp;

Кулолчилик билан машҳур ҳудудда кабобни татиб кўриш шарт: сабзавот ва гўшт нон билан ёпилган сопол идишга солинади ва тандирда пиширилади. Кападокия иқлими узум етиштириш учун идеал ва бу ҳудудда узоқ вақтдан бери шаклланган виночилик анъаналари мавжуд.

&nbsp;&nbsp;&nbsp;&nbsp;&nbsp;&nbsp;&nbsp;&nbsp;

&nbsp;&nbsp; Эртаклар мамлакатида романтика

&nbsp;

Эртакнамо манзараси билан Кападокия Туркиянинг энг машҳур тўй ва асал ойи ўтказиладиган масканларидан биридир. Жуфтликлар ва уларнинг меҳмонлари Кападокияни кўплаб ҳашаматли меҳмонхоналари, овқатланиш имкониятлари ва албатта, жозибали ҳаво шарлари учун танлайдилар.

&nbsp;

Кўпгина жуфтликлар ўзларининг никоҳ таклифларини ва тўй маросимларини ҳаво шарида саёҳат қилиш пайтида абадийлаштирадилар ёки мовий Кападокия осмонида сузиб юрганларида юбилей ва асал ойларини нишонлашади. Кўпинча қуёш ботиши манзарасига эга тераслар билан ғор меҳмонхоналари тўй нишонлаш учун машҳур танлов ҳисобланади. Бу меҳмонхоналарнинг аксариятида турк ҳаммомлари ёки бошқа қулайликлар мавжуд.

&nbsp;

Кападокия ҳар мавсумда бетакрор!

Ғайриоддий топографияси, бой тарихи ва мазали таомлари билан Кападокия ташриф буюрувчиларни ҳайратда қолдиради.

Бурак Ўзчивит устидан суд иши бошланди

"Хуррам Султон" оилавий тушган архив суратларни эълон қилди

Янги йилда янги меҳмон: Бурак ва Фахрия ўғил фарзанд кутмоқда

Сирож Нуриддинов ким эди?

Исроил-Фаластин ўртасидаги бугунги зиддиятлар қачон бошланган?

Нима учун “Тошкент руҳи” деган ибора бор?

Lifestyle

Категориялар

Боғланиш учун

Электрон манзил:

Шаҳодатнома

Таҳририят манзили

Ғоя муаллифи