Касб-ҳунар мактаблари учун қабул квоталар тасдиқланди
Бу ҳақда вазирлик маълум қилди.
Олий таълим, фан ва инновациялар вазирининг буйруғи билан 2024/2025-ўқув йили учун касб-ҳунар мактабларига кундузги ва дуал таълим шакллари бўйича жами 123 570 та қабул параметри тасдиқланди.
Шундан:
- Кундузги таълим шакли – 109 246 та;
- Дуал таълим шакли – 14 324 та.
Ҳужжатлар 1-июлдан 20-июлга қадар (шу куни ҳам) вазирликнинг my.edu.uz электрон платформаси орқали қабул қилинади.
Маълумот ўрнида, касб-ҳунар мактабларида ўқиш тўлиқ давлат гранти асосида амалга оширилади.
