Маълум қилинишича, портлаш шаҳардаги масжидлардан бирида содир этилган. Оқибатда бир неча киши ҳалок бўлган ва яраланган. Жабрланганлар сони ҳақида аниқ маълумот йўқ. Ҳодисани “Толибон” расмий вакили Забиҳулло Мужоҳид тасдиқлади.
“Kabul News” телеканали маълумотларига кўра, теракт Ийдгоҳ масжидида содир этилган. Канал бу ерда Забиҳулло Мужоҳиднинг онаси дафн маросими ўтказилаётганини таъкидлаган. Катта эҳтимол билан портлаш ИШИД томонидан содир этилган. Маҳаллий манбалар отишма давом этаётганини айтмоқда.
Бундан аввал Жалолободда отишма юз бергани, унинг оқибатида 5 киши ҳалок бўлгани хабар қилинганди. Бу отишма ҳам ИШИД томонидан содир этилгани маълум қилинган. Шунингдек, 26 август куни Кобул аэропортида ҳам портлаш қайд этилган.
Жаҳонгир Қўзиев