Унинг айтишича, ҳомиладор аёлларда мутацияга учраган "Covid"нинг янги тури билан касалланиш хавфи жуда юқори экан. Шу билан бирга касалланган аёлларда туғруқдан кейинги қон кетиш, боланинг белгиланган вақтдан эрта туғилиши ва бола тушиши хавфи юзага келиши мумкинлиги кузатилган. Бу ҳақда туғруқ шифокори Ирина Меншикова маълум қилди.
Шифокорнинг сўзларига кўра, ҳомиладорликнинг, айниқса, иккинчи ва учинчи ойда бола тушиш хавфи юқори бўлади. Қон босим кўтарилиб, пешобда оқсил кўпай кетади. Қон қуюқлашиб, томирларда тромблар ҳосил бўлади.
Шу каби жиддий оқибатларнинг олдини олиш учун шифокорлар режалаштирилган ҳомиладорликдан бир ой олдин ёки ҳомила деярли тўлиқ шаклланган, яъни 22 ҳафтадан кейин эмланишни тавсия қилмоқда.
Аввалроқ, ҳомиладор аёллар орасида "Covid-19"га чалиниш ҳолати кўпайгани ҳамда ҳомиладор ва эмизикли аёллар нима учун эмланмаётганига изоҳ берилгани тўғрисида хабар бергандик.
Муножат Валиева