Ливия шарқидаги Дерна шаҳрида сув тошқини оқибатида ҳалок бўлганлар сони 5,3 минг кишидан ошди. Бу ҳақда Ливия ҳукумати ички ишлар вазирлиги хабар берди.
Қайд этилишича, 9 мингдан ортиқ одам бедарак йўқолган. Ҳозирда қутқарув ишлари давом этмоқда.
Эслатиб ўтамиз, якшанба куни "Даниел" циклони туфайли юзага келган кучли ёмғир мамлакат шарқидаги бир қатор шаҳар ва аҳоли пунктларида тошқинларга сабаб бўлган. Шундан сўнг минтақада аэропортлар ва денгиз портлари ёпилди. Сув тошқинидан жабр кўрган шаҳарларда комендантлик соати жорий этилди.