Манчини қўл остидаги Саудияга нима бўляпти?
Жамоа сўнгги икки ўйинда рақибларига мағлуб бўлди.
Роберто Манчини қўл остидаги Саудия Арабистони терма жамоаси қаторасига иккинчи ўйинда мағлуб бўлди.
Жанубий Корея терма жамоасига қарши ўртоқлик учрашуви Саудия Арабистонининг 0:1 ҳисобидаги мағлубияти билан якунланди. Бунгача жамоа Коста-Рикага 1:3 ҳисобида имкониятни бой берганди.
Роберто Манчини бош мураббий этиб тайинлангач, Саудия Арабистони терма жамоаси ҳар иккала ўйинда ҳам мағлуб бўлди.
Манчини Саудия Арабистони терма жамоаси бошқарувидаги илк расмий учрашувларини январь ойида Осиё Кубоги доирасида ўтказади.
