Каннаваро шогирдлари яна майдонда: Ўзбекистон Россияга қарши майдонга тушади
Терма жамоалар ўртасидаги баҳс “Пахтакор” стадионида бўлиб ўтади.
Ўзбекистон миллий терма жамоаси FIFА кунлари доирасида Россия терма жамоаси билан ўртоқлик учрашувини ўтказади. Бу ҳақда Ўзбекистон футбол ассоциацияси матбуот хизмати хабар берди.
Учрашув 12 ноябрь куни Тошкентдаги «Пахтакор» стадионида бўлиб ўтади.
Аввалроқ Ўзбекистон терма жамоаси Эрон, Сурия ва Жанубий Корея терма жамоаларига қарши ўртоқлик учрашувларида майдонга тушган эди.
Миллий жамоа Жаҳон чемпионатидаги иштирокидан сўнг 2027 йилги Осиё Кубогига тайёргарликни давом эттиради. Мусобақа 7 январдан 5 февралга қадар Саудия Арабистонида бўлиб ўтади.
Фабио Каннаваро бошчилигидаги Ўзбекистон терма жамоаси Осиё Кубогининг «B» гуруҳида Баҳрайн, Шимолий Корея ва Иордания терма жамоаларига қарши баҳс олиб боради.
