Узбекистон
|
26 Сентябр 15:42
175
Узбекистон
|
26.09.2021, 15:42
175

Митҳун Чакраборти Тошкентдаги Халқаро кинофестивалда иштирок этади

28 сентябрдан бошланаётган Тошкент халқаро кинофестивалига «Диско раққоси» фильмидаги Жимми роли билан танилган афсонавий ҳинд актёри Митҳун Чакраборти ҳам ташриф буюради.

 

 Кинофестиваль очилиш маросимида иштирок этиши кутилаётган таниқли меҳмон ўз даврида  "Диско раққоси", "Ўйна, ўйна" ва "Қироллик ови" каби  кинокартиналари орқали мухлислар қалбидан жой олган.

Тошкент халқаро кинофестивали "Кино 5 кунда", "Жаҳон мамлакатлари киноси кунлари", Бутунроссия давлат кинематография институти Тошкент филиали ва вилоятларда янги кино манзилларнинг очилиши каби катта дастурни ўз ичига олган.

Шунингдек, кинофестиваль доирасида 14 та хориж давлатларининг кино кунлари бўлиб ўтади. Ҳиндистоннинг 24 кишидан иборат делегацияси ҳам ўзининг фильмлари ва махсус дастури билан иштирок этади. 

Аввалроқ, Туркиянинг машҳур "Чуқур" ва "Истанбуллик келин" фильмлари қаҳрамонлари ташрифи ҳақида ҳам хабар берган эдик.

 

Юлдуз Рустамова

Tags: