Мажбурий ижро бюроси Уйчи тумани бўлими иш юритувидаги ижро ҳужжатига мувофиқ, Ўзбекистон Республикаси ҳудудига белгиланган тартиб-таомилларга зид равишда олиб кирилган ва ваколатли органлар томонидан аниқланиб, тўхтатиб қолинган тамаки маҳсулотлари қонун ҳужжатлари талаблари асосида йўқ қилинди.
Жумладан, умумий қиймати 32 500 000 сўмни ташкил этувчи MILANO тамаки маҳсулотлари тегишли ваколатли органлар аъзолари иштирокида, белгиланган санитария ва хавфсизлик қоидаларига қатъий риоя этилган ҳолда ёқиш усулида йўқ қилинди.
Мазкур тадбир Ўзбекистон Республикасининг амалдаги қонун ҳужжатларига мувофиқ равишда амалга оширилиб, ноқонуний муомалада бўлган товарларнинг йўқ қилиниши орқали иқтисодий хавфсизликни таъминлаш, аҳоли саломатлигини муҳофаза қилиш ҳамда қонун устуворлигини таъминлашга қаратилди.
Мажбурий ижро бюроси органлари томонидан ижро ҳужжатларининг ўз вақтида ва сифатли ижросини таъминлаш, ноқонуний товар айланмасига қарши курашиш, шунингдек, давлат ва жамият манфаатларини ҳимоя қилиш борасидаги ишлар тизимли равишда давом эттирилмоқда.