Наманганда "Nexia" ҳайдовчиси йўлдан ўтаётган аёлни уриб юборди
Наманган вилояти Поп туманида "Nexia" пиёдани уриб юборди, дея хабар қилмоқда вилоят ИИБ ахборот хизмати.
Қайд этилишича, 2021 йил 28 август куни соат 21:15 ларда, Поп–Исковут йўлининг 3 километрида, Поп тумани «Исковут» МФЙ ҳудудида, Наманган шаҳрида яшовчи, 1983 йилда туғилган фуқаро "Nexia"ни бошқариб бораётиб, ҳаракат хавфсизлигини таъминлай олмай, йўлни кесиб ўтаётган пиёда, Поп туманида яшаган, 1995 йилда туғилган аёлни уриб юборган.
Пиёда олган тан жароҳати оқибатида воқеа жойида вафот этган.
Ушбу ҳолат бўйича Поп туман ИИБ ҳузуридаги ТБ томонидан 2021 йил 28 август куни Жиноят кодексининг 266-моддаси 2-қисми (одам ўлимига сабаб бўлган транспорт бошқариш хавфсизлиги қоидаларини бузиш) билан жиноят иши қўзғатилган.
Аввалроқ Сурхондарёнинг Шўрчи туманида «ЗИЛ» юк машинаси ҳайдовчиси тепловоз уриб кетиши оқибатида, Юнусобод туманида юз берган ЙТҲ оқибатида бир киши ҳамда Самарқандда автобус ағдарилиши оқибатида икки нафар йўловчи вафот этгани ҳақида хабар берилганди.
