Навоийда Nexia ва Exeed аварияга учради
Ҳодиса оқибатида икки киши ҳалок бўлган.
Навоийда инсон ўлими билан боғлиқ ЙТҲ содир бўлди.
Маълум қилинишича, ЙТҲ 9 ноябр куни соат тахминан 16:00 ларда халқаро аҳамиятга эга бўлган “Навоий-Учқудуқ” йўлида содир бўлган. Дастлабки хулосаларга кўра, Nexia ҳайдовчиси ўзи билан бир йўналишда ҳаракатланиб бораётган транспорт воситасини қувиб ўтиш жараёнида қарама-қарши йўналишда келаётган Exeed машинаси билан тўқнашган.
ЙТҲ оқибатида бир киши воқеа жойида, бир киши шифохонада вафот этган.
Ҳозирда ЙТҲ юзасидан тергов ҳаракатлари олиб борилмоқда. Қайд этилишича, ЙТҲ сабаблари ва аниқ хулосалар тергов жараёнида маълум бўлади.
