Маълумотларга кўра, Род-Айленд штатида 69.9 минг уй электр тармоғидан узилиб қолган. Бу штатда шамол тезлиги 27 м/с ни ташкил этган. Қўшни Коннектикут штатида эса 27.4 минг хонадон электрсиз қолган.
Род-Айлендда кўприклар ёпилган. Штатдаги аксарият йўлларда сув тошқини туфайли ҳаракат тўхтаб қолган.
Нью-Жерси штатида бир сутка давомида 20 сантиметр ёмғир ёққан. Штат марказида бир қанча марказий кўчалар ёпилган, автомобиллар деярли сув остида қолиб кетган.
Нью-Йоркда ҳам вазият ёмонлашмоқда. Джон Кеннеди номидаги халқаро аэропорт ва Марказий паркда ёғингарчилик рекорд миқдорга етган.
Эслатиб ўтамиз, бундан аввал Нью-Йорк штатида фавқулодда вазият эълон қилинган эди.
Жаҳонгир Қўзиев