Кеча, 16 июль куни тунда Украина авиакомпаниясига тегишли “Антонов” юк самолёти Греция шимолидаги Кавала шаҳри яқинида ҳалокатга учради. Бу ҳқада маҳаллий ҳокимиятга таяниб, “Интерфакс” нашри хабар бермоқда.
Қайд этилишича, самолёт Сербиядан Иорданияга учаётган бўлган. Греция матбуотига кўра, бортда саккиз киши бўлган ва у 12 тонна ўқ-дориларни олиб кетаётган эди.
Ҳодисадан бироз олдин учувчи двигателлардан бирида носозликлар ҳақида хабар берган. Унга Кавала аеропортига қўнишга рухсат берилган, бироқ самолёт аеродромдан 40 км узоқликда қулаган.
Эҳтиёт чораси сифатида ҳалокат жойига аҳолига деразаларини ёпиқ ҳолда сақлаш ва ниқоб тақиш тавсия қилинган.
Эслатиб ўтамиз, бундан олдин Хитой жанубида бортида 100 дан ортиқ йўловчиси бор самолёт ҳалокатга учрагани хабар қилинганди.