Ўзбекистон — Туркия олимлари платформаси яратилади
Бу ҳақида Ислом цивилизацияси маркази маълум қилди.
Ўзбекистондаги Ислом цивилизацияси маркази делегациясининг Туркияга қилган сафари давомида Истанбул шаҳридаги Аё София мажмуаси, Кўк масжид, Тўпқопи саройи, қадимги Эфес шаҳри ва Галикарнас мақбараси каби машҳур тарихий ёдгорликларнинг кичик моделларини ўз ичига олган Очиқ осмон остидаги миниатюралар музейи – Miniatürk сингари диққатга сазовор жойларда қатор учрашувлар ўтказилди. Марказ мутахассислари ушбу тарихий обидалар ва музейлар, кутубхона ва бошқа маърифий муассасалар тажрибасини ўрганишди.
Жумладан, Турк ва Европа меъморчилигининг нодир намунаси “Юлдуз” саройида сақланаётган Қўқон хони Амир Умархон турк султони Маҳмуд II га ҳадя қилган Қуръони Карим нусхаси делегация аъзоларида катта таассурот қолдирди.
