Ўзбекистон тарихига оид 100 қисмли сериал яратилади
У халқаро телеканалларда ҳам намойиш этилади.
Ўзбекистоннинг уч минг йиллик давлатчилик тарихига бағишланган “Буюк тарих” номли 100 қисмдан иборат ҳужжатли сериал ишлаб чиқарилади. Бу ҳақда “ЎзА” хабар берди.
Бунда ҳужжатли сериалнинг умумий концепцияси, бадиий-ғоявий мазмуни, мавсумлар ва қисмларнинг мазмун-моҳияти белгилаб олиниб, ҳар йили камида 15 та қисмни яратиш назарда тутилган.
Шунингдек, ҳужжатли сериал “Discovery”, “History”, “National geographic”, “BBC” каби халқаро миқёсдаги телеканалларда намойиш этилади.
