“Ўзбекистон темир йўллари” 100 млн сўмга гилам сотиб олдими?
Тармоқда тарқалган хабарларга расмий изоҳ берилди.
Ижтимоий тармоқларда “Ўзбекистон темир йўллари” акциядорлик жамияти томонидан гилам маҳсулотлари ишлаб чиқариш хусусий корхонаси билан амалга оширилган 100 млн сўмлик олди-сотди битими ҳақида маълумот тарқалди. Ҳолат юзасидан расмий муносабат билдирилди.
Таъкидланишича, тарқатилган маълумотлар ҳақиқатга тўғри келмайди. Аслида ушбу шартнома узоқ муддатга тузилган. Унга кўра, мазкур суммага 1 дона эмас, балки келгусида бир нечта гилам маҳсулотларини харид қилиниши назарда тутилган.
“Ҳозирги вақтда белгиланган миқдорда гиламлар сотиб олиш амалга оширилмади. Қўлда тўқилган ноёб (совғабоп) гиламларни сотиб олиш фақатгина “Ўзбекистон темир йўллари”АЖнинг юқори мартабали хорижий меҳмонларини қабул қилиш вақтида амалга оширилади”, — дейилади хабарда.
