Ўзбекистонлик оғир атлетикачи 4 йилга спортдан четлатилди
У антидопинг қоидабузарлигини содир этган.
Ўзбекистонлик оғир атлетикачи Сардор Лапасов Бутунжаҳон антидопинг кодексининг 2.1-моддасида кўрсатилган антидопинг қоидабузарлигини содир этганлиги сабабли 4 йил муддатга дисквалификация қилинди.
Қайд этилишича, спортчидан мусобақа даврида олинган допинг синамасида спортда тақиқланган “Кленбутерол” моддаси борлиги аниқланган. “Кленбутерол” моддаси 2024 йилги тақиқланган моддалар рўйхатига киритилган.
Маълумот учун, дисквалификация жазо муддатини ўтаётган шахс дисквалификация муддати тугаганга қадар халқаро ва миллий тоифадаги мусобақалар ва ўқув-машғулот йиғинларида иштирок этиши тақиқланади. Агар юқоридаги талаблар бажарилмаган тақдирда ушбу шахсга умрбод дисквалификация муддати қўлланилиши мумкин.
