Песков Россиядаги сафарбарликнинг сабабини очиқлади
Унинг айтишича, бу НАТО билан боғлиқ.
Россия ҳукумати Украина билан урушда НАТОнинг ҳарбий қудратига дуч келганлиги сабабли қисман сафарбарлик эълон қилди. Бу ҳақда президенти матбуот котиби Дмитрий Песков маълум қилди.
Унинг айтишича, яқин орада Россия ҳукумати сафарбарлик муддати ҳақида аниқлик киритади. Мамлакатда “махсус ҳарбий операция” мақомини ўзгартириш ва ҳарбий ҳолат жорий этиш бўйича ҳеч қандай қарорлар қабул қилинмаган.
Шунингдек, муддатли ҳарбий хизматга чақирилувчилар учун чегаралар ёпилиши ҳақидаги маълумотлар ҳам тез орада очиқланади.
Эслатиб ўтамиз, аввалроқ Россия Мудофаа вазирлиги сафарбарликка 300 минг захирадаги аскарни чақиришни режалаштираётганини хабар қилганди.
