Қаршида 2 та автомобиль тўқнашуви содир бўлди
Ҳодиса оқибатида ҳеч ким тан жароҳати олмаган.
Ижтимоий тармоқда Қашқадарё вилоятининг Қарши шаҳридаги хавфли чорраҳада Нексия ва Ласетти русумли автомашиналар иштирокида йўл-транспорт ҳодисаси содир бўлгани ҳақида хабар тарқалди. Ҳолат юзасидан вилоят ИИБ ахборот хизмати расмий муносабат билдирди.
Қайд этилишича, ҳодиса бугун, 26 июнь куни соат 12:00 атрофида Қарши шаҳридаги “Боғобод” МФЙ ҳудудида юз берган. Ҳайдовчи С. Ў. Некcия автомашинасида ҳаракатланиб келиб, “Шаршара” чойхонаси олдидаги чорраҳада қарама-қарши йўналишдаги Қ. Б. бошқарувида бўлган Жентра билан тўқнашган.
Ҳодиса оқибатида ҳеч ким тан жароҳати олмаган. Ҳозирда мазкур ҳолат юзасидан Қашқадарё вилояти ИИБ ЙҲХБ томонидан суриштирув олиб борилмоқда.
