Маълум қилинишича, воқеа кеча, 9 апрель куни соат 15.12 атрофида Қарши шаҳрида жойлашган “Star Oil” ёнилғи қуйиш шохобчаси ҳудудида содир бўлган. Ёнғин автомобилнинг двигатель қисмида юзага келган.
Шаҳар ФВБ бўлими ўт учирувчилари воқеа жойига зудлик билан етиб борган ва ёнғин бартараф этилган. Ҳодиса натижасида тан жароҳати олган фуқаролар йўқ. Транспорт воситасига зарар етган.
Ҳозирда мазкур ҳолат юзасидан суриштирув ҳаракатлари олиб борилмоқда.