Қашқадарёдаги ёнилғи қуйиш шохобчасида ёнғин чиқди
Ҳодиса оқибатида 2 киши жароҳатланган.
Кеча, 10 март куни Қашқадарё вилояти Касби тумани “Дўстлик” МФЙ ҳудудида жойлашган ёнилғи қуйиш шохобча ҳовлисида 2 та 9 тоннали сиғим ёнган.
Воқеа жойига 4 та ёнғин-қутқарув бўлинмалари соат тахминан 22:04 да этиб бориб, соат 22:33 да ёнғинни тўлиқ ўчирган.
“Ёнғин оқибатида 2 нафар фуқаролар куйиш тан жароҳатини олган. Ҳозирда уларнинг аҳволи яхши. Ҳайриятки, ҳалок бўлган фуқаролар йўқ. Ёнғин сабаби ва зарарига аниқлик киритилмоқда”, - дейилади хабарда.
