Чеченистон раҳбари Рамзан Қодиров Бахмутни тарк этишга ваъда берган “вагнерчилар”ни ўз жангчилари билан алмаштиришга тайёрлигини маълум қилди.
"Агар Пригожин ва Вагнер кетса, Бош штаб тажрибали жанговар бўлинмани йўқотади, Қодиров ва Ахмат эса уларнинг Бахмутдаги ўрнига келади. Кейин жангчиларимиз олдинга силжийди ва улар шаҳарни эгаллашга ҳозирданоқ тайёр. Бу бир неча соат ичида амалга ошади", - деди Қодиров.
Қодировнинг мурожаати “Вагнеритлар” етакчиси Евгений Пригожин, Россия Федерацияси мудофаа вазири Сергей Шойгу ва РФ Қуролли кучлари Бош штаби бошлиғи Валерий Герасимовга йўлланган.
Қодиров, шунингдек, Россия технологияси ҳолатини танқид қилди ва Пригожинни ўлдирилган жангчиларнинг жасадларини кўрсатмасликка чақирди.
"Ҳалок бўлган ўртоқларнинг жасадларини тасвирга олиш нотўғри. Ҳеч қачон бундай қилмайлик", - деди Қодиров.