Россияда Башар ал-Асадга суиқасд уюштирилди
Суиқасд ортида Россия ҳукуматини айблашга қаратилган сиёсий мақсадлар бўлгани тахмин қилинмоқда.
Хорижий оммавий ахборот воситаларининг ёзишича, Сурия собиқ президенти Башар ал-Асад Москвада заҳарланиш йўли билан суиқасдга учраган. Маълумотларга кўра, у Россия пойтахтида касалхонага ётказилиб, интенсив тиббий ёрдам олганидан сўнг соғлиғи барқарорлашган ва шифохонадан чиқарилган.
Манбаларда қайд этилишича, даволаниш жараёнида Асадни фақат чекланган шахслар — унинг акаси Маҳер Асад ҳамда президентлик ишлари бўйича собиқ бош котиб Мансур Аззам кўришга рухсат олган.
Сиёсий шарҳловчилар ушбу суиқасд уринишини шахсий душманлик эмас, балки кенгроқ сиёсий мақсадлар билан боғлиқ бўлиши мумкинлигини таъкидлашмоқда. Ҳусусан, операция ортида Асаднинг ўлдирилиши орқали Россия ҳукуматини айблаш режаси бўлгани тахмин қилинмоқда.
