Россиядаги меҳнат муҳожирлари учун патент нархи ўзгарди
2022 йилдан хорижий ишчиларга ишлаш ҳуқуқини берувчи патент нархи кўтарилади.
Қайд этилишича, Россия пойтахти Москва шаҳрида чет эл фуқароларининг меҳнат фаолиятини амалга ошириш ҳуқуқини берувчи патент нархи кўтарилади.
Бу ҳақда Москва ҳукумати вазири, шаҳар иқтисодий сиёсат бошқармаси бошлиғи Кирилл Пуртов хабар берди.
Хабарга кўра, келгуси йилдан бошлаб Москвада меҳнат бозорининг ҳудудий хусусиятларини акс эттирувчи коэффициент ошади, бу коэффициент асосида чет эл фуқароларининг меҳнат фаолиятини амалга ошириш ҳуқуқини берувчи патент нархи хисобланади.
Шунингдек, шаҳарда меҳнат мигрантлари учун патент нархи 1 ойга 5341 рублдан (тахминан 768 минг сўм) 5900 рублгача (тахминан 848 минг сўм) оширилади.
Кирилл Пуртов ушбу қонунга 2022 йилда меҳнат бозорининг ҳудудий хусусиятларини акс эттирувчи коэффициент 2,3878 дан 2,4832 гача оширилилиши ҳамда патент нархи (олдинги нарх 5341 рубль) 2020 йилда белгиланган бўлиб, бу йили ўзгармаганини ҳам маълум қилди.
Эслатиб ўтамиз, аввалроқ Россияда ойлик маош иш ҳажмига қараб 40 минг рублдан бошланадиган иш таклиф этилгани ҳамда яқин ойларда меҳнат мигрантларининг Россияга кириши соддалаштирилгани ҳақида хабар берилганди. Шунингдек, меҳнат миграциясига кетаётган фуқароларга компенсация тўланиши ҳақида хабар берилганди.
Чўлпоной Аҳмедова
