Умуммиллий “AI Hackathon” танловининг навбатдаги — минтақавий босқичига расман старт берилди. Жорий йилнинг 20 январ куни Самарқанд шаҳрида Иккинчи Умуммиллий “AI Hackathon”нинг ҳудудий босқичи очилиш маросими бўлиб ўтди.
Мазкур тадбирда мамлакатнинг турли ҳудудларидан 400 нафардан ортиқ ёш мутахассис иштирок этиш учун рўйхатдан ўтди. Уч кун давомида иштирокчилар етакчи ахборот технологиялари компаниялари мутахассислари ва мураббийлари раҳбарлигида жамоалар тиббиёт, таълим, киберхавфсизлик, тадбиркорлик ва тақиқланган моддалар айланишига қарши кураш каби соҳаларда сунъий интеллектга асосланган инновацион лойиҳалар ишлаб чиқадилар.
Хусусан, Умуммиллий AI Hackathon'да иштирок этаётган «iX» жамоаси мессенжерлар орқали амалга оширилаётган гиёҳвандлик воситалари савдосини аниқлаш ва чеклашга қаратилган махсус алгоритмни тақдим этди. Мазкур лойиҳа яширин “қора бозор”ларни фош этиш ва наркотик моддалар тарқалишининг олдини олишга хизмат қилиши кўзда тутилган.
Тадбир доирасида иштирокчилар учун етакчи мутахассислар томонидан маҳорат дарслари ва амалий семинарлар ҳам ташкил этилди.
Маълум қилинишича, Умуммиллий “AI Hackathon” танловининг финал босқичи 2026 йил декабрь ойида Тошкент шаҳрида ўтказилади.