Самарқандда ЙПХ ходими машина рақамини ўзгартириб ҳаракатлангани айтилди
Ҳолат юзасидан ИИБ ЙҲХБ изоҳ берди.
Ижтимоий тармоқларда ЙПХ инспектори машинасининг давлат рақам белгиси ўзбошимчалик билан ўзгартирганлиги қайд қилинган фототасвирлар эълон қилинди. Ҳолат юзасидан вилоят ИИБ ЙҲХБ расмий муносабат билдирди.
Маълум қилинишича, давлат рақам белгиси ўзгартирилган Nexia русумли транспорт воситаси ЙПХ инспекторига эмас, Оқдарё туманида яшовчи А.Х.га тегишли бўлган. У Тошкент–Самарқанд йўналишида киракашлик қилиб, йўлларда 5 ва ундан ортиқ марта тезликни ошириши натижасида радарларга тушганлиги сабабли 13 октябрь куни давлат рақам белгисини ўзбошимчалик билан ўзгартирган.
Ҳозирда фуқарога нисбатан маъмурий баённома расмийлаштирилиб, транспорт воситаси вақтинчалик сақлаш учун жарима майдончасига жойлаштирилган.
