Шавкат Мирзиёев туғилган куни билан табриклаган ўзбекистонликларга миннатдорлик билдирди
“Кўпмиллатли халқимизга ўзимнинг юксак меҳр ва эҳтиромимни билдиришдан беҳад мамнунман”, — деган Президент
Кеча, 24 июль куни минглаб ўзбекистонликлар ижтимоий тармоқлар орқали Ўзбекистон Республикаси Президенти Шавкат Миромонович Мирзиёевни туғилган куни билан табриклаб, эзгу тилакларини йўллашган эди.
Президент қутловлардан беҳад мамнунлигини, табрик йўллаган барча фуқаролардан миннатдорлигини билдирди.
“Меҳнаткаш ва бағрикенг, кўпмиллатли халқимизга ўзимнинг юксак меҳр ва эҳтиромимни билдиришдан беҳад мамнунман”, деди давлат раҳбари.
