0
ШҲТ Араб давлатлари лигаси билан ҳамкорликни кенгайтиради
Шу мақсадда икки ташкилот ўртасида шартнома имзоланиши кутилмоқда.
Шанхай Ҳамкорлик Ташкилоти ва Араб давлатлари лигаси ўртасида ҳамкорлик тўғрисида шартнома имзоланади. Бу ҳақда Ўзбекистоннинг ШҲТдаги миллий координатори Исматулла Нуримбетов маълум қилди.
“Маълумки, биз Араб давлатлари лигасини бўлажак саммитга чақирмоқчимиз. Бундан кўзланган мақсад икки ташкилот котибиятлари ўртасида шартнома имзолашдан иборат”, – деган Нуримбетов Тошкентда бўлиб ўтаётган ШҲТ миллий координаторлари кенгашида.
Аввалроқ Тошкентда ШҲТ Ёшлар кенгаши 15 йиғилиши бўлиб ўтганди.
