Синов тариқасида 4 та ҳудудда аҳолини рўйхатга олиш жараёнлари бошланди
Уйма-уй юриб, синов тариқасида аҳоли рўйхатга олинади.
Жумладан, Андижон вилоятининг Хўжаобод тумани, Тошкент вилоятининг Юқори Чирчиқ тумани, Хоразм вилоятининг Хива шаҳри ҳамда Тошкент шаҳрининг Яшнобод туманида уйма-уй юриб, синов тариқасида аҳоли рўйхатга олинади.
Маълумот учун, синов тариқасида 1-5 ноябрь кунлари аҳолини онлайн рўйхатга олиш чора-тадбирлари ўтказилганди.
Эндиликда мазкур 4 та ҳудудда рўйхатга олувчилар томонидан 11-25 ноябрь кунлари уйма-уй, онлайн рўйхатдан ўтмаган аҳоли ҳақида маълумот олинади. Қоғоз ва планшет орқали саволномалар тўлдириб борилади.
Эслатма. Бу синов жараёнлари республикамизда 2023 йилда ўтказиладиган аҳолини рўйхатга олишнинг асосий тадбирига пухта тайёргарлик кўриш мақсадида ўтказилмоқда.
Аввалроқ O‘zbekistonda aholi soni har kuni o‘rtacha 2 ming kishiga oshayotgani ҳамда 1 километр квадрат майдонга неча киши тўғри келиши ҳақида маълумот берилганди.
Оламгир Абдиев
