Сурия, Туркия ва Эрон Анқара ва Дамашқ ўртасидаги муносабатларни нормаллаштириш юзасидан Россия тақдим этган “йўл харитаси” концепцияси бўйича келишиб олди.
Барча томонлар муносабатларни нормаллаштириш жараёнини илгари суриш бўйича йўл харитаси концепциясига рози бўлди ва ўз фикр ва таклифларини билдирди. Энди уларни тизимлаштириш ва мувофиқлаштириш керак.
Россия ташқи ишлар вазири Сергей Лавров аввалроқ “йўл харитаси”нинг устувор мавзуларини айтиб ўтган эди. Улар орасида Сурия ҳукумати назоратини бутун мамлакат бўйлаб тиклаш, Сурия-Туркия чегараси хавфсизлигини таъминлаш, трансчегаравий ҳужумлар ва террорчиларнинг кириб келиши эҳтимолини бартараф этиш муаммосини ҳал қилиш бор.