Термиздаги метан заправкалар вақтинча ёпилди
Маълум бўлишича, уларга газ етказувчи тармоқда носозлик юзага келган.
Термиз шаҳри ва Термиз туманида жойлашган автомобилларга газ тўлдириш компрессор шохобчаларига газ етказиб бериш вақтинча тўхтатилди.
Маълум қилинишича, АГТКШларни табиий газ билан таъминловчи “Термиз Саноат тармоғи”га ГРС дан чиқиш қисмида коллекторга келувчи газ қувурида ўрнатилган газ босимини назорат қилувчи қурилмада носозлик юзага келган.
Ҳозирда ушбу носозликни бартараф этиш юзасидан барча чоралар кўрилмоқда, носозлик бартараф этилгандан сўнг табиий газ таъминоти қайта тикланиши билдирилган.
