Тошкент марказидаги Содиқ Азимов кўчасининг бир қисмини ҳам 24 соатлик гастрономик кўчага айлантириш режалаштирилмоқда.
Хабарга кўра, лойиҳа доирасида ёритиш устунларини янгилаш, ўриндиқ ва ахлат қутиларини ўрнатиш, янги кўчатлар экиш, суғориш тизимини ташкил этиш, мусиқа тизимини ташкил этиш режалаштирилган.
Пиёдалар йўлакларини янгилаш ва кенгайтириш, велосипед йўлакларини ташкил қилиш, йўл четлари бўйлаб автотураргоҳлар, болалар майдончаларини яратиш мақсад қилинмоқда.
Мавжуд умумий овқатланиш шохобчаларидан ташқари, кўчада фудтраклар пайдо бўлади ва кўча таомларини сотади.