Аввалроқ 10-14 июнь кунлари Ўзбекистонда “Озарбайжон маданияти кунлари” доирасида тадбирлар ўтказилиши хабар қилинганди.
10 июнь куни Озарбайжон Республикаси Маданият вазирлиги делегацияси, 11 июнь куни эса Озарбайжон Республикаси маданият вазири А.Керимли Тошкент шаҳрига етиб келди.
11 июнь куни Ўзбекистон Ёзувчилар уюшмасида Озарбайжон ва Ўзбекистон зиёлилари учрашуви ҳамда “Муҳаммад Фузулий Куллиёти” китобининг тақдимоти, сўнгра Фузулий таваллудининг 530 йиллигига бағишланшаг Фузулий ва Алишер композицияси намойиши бўлиб ўтди.
Куннинг иккинчи ярмида Алишер Навоий номидаги Ўзбекистон Миллий кутубхонасида Озарбайжон адабий бурчаги очилиш маросими ташкил этилди.
“Ўзбекистон” халқаро анжуманлар саройида Ўзбекистон Республикаси маданият вазири О.Назарбеков ва Озарбайжон Республикаси маданият вазири А.Каримли ўртасида учрашув ташкил этилди.
Учрашувда икки томонлама маданий ҳамкорлик алоқаларининг жорий ҳолати, келажакда амалга оширилиши кутилаётган лойиҳалар ва тклифлар муҳокама қилинди.
“Ўзбекистон” халқаро анжуманлар саройида “Озарбайжон маданияти кунлари” тадбирларининг тантанали очилиш маросимига бағишланган концерт дастури ташкил этилди. Концерт дастурида Озарбайжоннинг тарихи ва бугунги кунини ўзида акс эттирган куй-қўшиқлар ижро этилди.
Концерт дастури аввалида Ўзбекистон Республикаси Президентининг “Озарбайжон маданияти кунлари” тадбирларининг иштирокчиларига йўллаган мурожаатинин Президент матбуот котиби Ш.Асадов ўқиб эшиттирди.
“Озарбайжон маданияти кунлари” 14 июнга қадар давом этади. 12 июнь куни Ўзбекистон Тасвирий санъат галереясида “Озарбайжон маданияти” номли кўргазманинг очилиш маросими, Ўзбекистон давлат санъат ва маданият институтининг ўқув театри биносида Озарбайжон драма театрининг “Мана ман” спектакли намойиши, Алишер Навоий номидаги академик давлат катта театрида Озарбайжон давлат опера театри жамоасининг “Аршин мал алан” спектакли намойиши ташкил этилиши режалаштирилган.
Эртага, 13 июнь куни Муқимий номидаги Ўзбекистон давлат мусиқали театрида “Озарбайжон маданияти кунлари” тадбирларининг ёпилиш маросимига бағишланган концерт дастури ўтказилиши режаланган.