Жорий йилнинг 10 октябрь куни соат 23:30 атрофида Олмазор тумани Нурафшон кўчасида ЙТҲ содир бўлди. Бу ҳақида Тошкент шаҳар ИИББ ЙҲХБ Ахборот хизмати хабар қилди.
Аниқланишича, ушбу ЙТҲ 1984 йилда туғилган ҳайдовчи Б.Қ. бошқарувида бўлган Спарк ва 2004 йилда туғилган И.T. бошқарувида бўлган Матиз русумли автомашиналари иштирокида юз берган. Ушбу ЙТҲ оқибатида Спарк автомашина ҳайдовчиси олган тан жароҳатлари сабаб воқеа жойида вафот этган.
Шунингдек Спарк ичида бўлган 2 нафар йўловчи ҳамда Матиз ҳайдовчиси шифохонага олиб кетилган.
"Мазкур ҳолат юзасидан Тошкент шаҳар ИИББ Тергов бошқармаси томонидан ЖКнинг 266-моддаси 2-қисми билан жиноят иши қўзғатилган. Тергов давом этмоқда",- дейилади хабарда.