Ижтимоий тармоқларда Тошкент шаҳридаги 22-сон меҳрибонлик уйи тарбияланувчиси «самосуд» қилингани айтилган видео тарқалмоқда. Воқеа юзасидан Ижтимоий ҳимоя миллий агентлиги расмий муносабат билдириб, ҳолат назоратга олинганини маълум қилди.
Айни вақтда Ижтимоий ҳимоя миллий агентлиги ва Миллий гвардия масъулларидан иборат ишчи гуруҳ ўрганиш олиб бормоқда.
“Ўрганиш натижалари ва хулосалари юзасидан тез кунда қўшимча маълумот ва ахборот берилади”, дейилади хабарда.