Куни кеча Оқ уйда Америка ва Украина раҳбарларининг учрашуви бўлиб ўтганди. Унда икки давлат етакчилари ўртасида келишмовчилик юзага келган ва Зеленский муддатидан олдин мамлакатни тарк этган.
Маҳаллий нашрларга кўра, мунозара Украина президенти АҚШдан хавфсизлик кафолатлари талаб қилганидан сўнг бошланган.
Бунга жавобан Трамп ва Вэнс Зеленскийга “Сиз АҚШга нисбатан ҳурматсизлик қиляпсиз ва Америкага нимани ҳис қилиши кераклигини буюришга ҳақли эмассиз”, деб жавоб берган.
“Сиз дунёни 3-жаҳон уруши хавфига етаклаяпсиз. Сиз уруш бошланганидан бери оғир аҳволдасиз. Сиз биздан миннатдор бўлишингиз керак”, – дея қўшимча қилган АҚШ раҳбари.
Тортишувдан сўнг Зеленский Оқ уйни режалаштирилган вақтдан олдин тарк этди. Шу сабабли икки давлат раҳбари иштирокидаги матбуот анжумани бекор қилинди.