Украина АҚШдан 2 миллиардлик ҳарбий ёрдам олади
Бугун Россия-Украина ҳарбий можаросига 1 йил тўлди.
АҚШ бугун Украинага 2 миллиард долларлик янги ҳарбий ёрдам пакетини эълон қилади. Бу ҳақда CNN хабар берди.
Шу билан бирга улар орасида Киев анчадан буён сўраб келаётган қирувчи самолётлар йўқ. CNN аниқлик киритишича, гап мавжуд захиралардан тақдим этиладиган қуроллар ҳақида эмас, Америка ҳарбий-саноат комплексига бериладиган буюртма ҳақида кетмоқда.
Хусусан, HIMARS тизимлари учун ракеталар, 155 ммли гаубица снарядлари, турли ипдаги дронлар, учувчисиз қурилмаларга қарши кураш воситалар ишлаб чиқарилади. Маблағнинг бир қисми мавжуд техникани таъмирлаш учун йўналтирилади.
